Menu

Laboral  Kutxa  Prentsa  aretoa

Prentsa oharrak

Lagun Aro aseguru etxeak Best Customer Experience Awards Spain 2012 saria irabazi du aseguru-etxeen kategorian

  • Eskaintzen duen kalitateagatik, bezeroaren arretagatik eta erosketa-esperientziagatik nazioan aukeraturiko 500 enpresen artetik zazpigarren poztua lortu du konpainiak

Lagun Aro Aseguru-etxea Best Customer Experience Awards Spain 2012 sarien sailkapeneko lehen postuan dago nazioan aseguru-etxeen kategorian, besteak beste, bere bezeroen asebetetze eta leialtze handiagatik. Eskaintzen duen kalitateagatik, bezeroaren arretagatik eta erosketa-esperientziagatik nazioan aukeraturiko 500 enpresen artetik zazpigarren postua lortu du konpainiak. Hain zuzen, eremu horietan gizarte-sareek gero eta garrantzi handiagoa dute.

Best Customer Experience Institute erakunde pribatuak Best Customer Experience Awards sariak antolatzen ditu urtero hainbat herrialdetan. Lehen aldiz, aipaturiko sailkapena argitaratu du Espainian. Horretarako, herrialde bakoitzeko markarik eta enpresarik onenak aztertzen eta ebaluatzen dira, kontsumitzaileei eginiko inkesten eta merkatua aztertzeko tekniken bitartez: esate baterako Mystery shopping edo mystery calling teknika erabiliz (ikertzaileak bere burua bezerotzat aurkezten du) eta asebetetze-inkestak eginez.

Espainiako kasuan, 2.000 kontsumitzailek baino gehiagok 500 enpresarik onenak aukeratu dituzte, eskaintzen duten kalitatea, bezeroaren arreta eta erosketa-esperientzia kontuan hartuta. Guztira 250 test egin dizkiote enpresa bakoitzari, eskaintzen duten zerbitzu-kalitatea nahiz kontsumitzaileen jarrera aztertzeko. Azterturiko bideak honako hauek izan dira: konpainiaren dendak edo sukurtsalak, call center-aren arreta, webaren eta gizarte-sareen bitartez eskainitako zerbitzua, etab.

Azterketan garrantzi handia eman zaie gizarte-sareei, izan ere, bezeroaren arretan funtsezko baliabide bihurtu dira eta bezeroaren esperientzian eragin espezifiko handia dute.

Ikerketaren ondoren, Lagun Aro Aseguru-etxeak lehen postua lortu du aseguru-etxeen kategorian eta ebaluaturiko 500 enpresen artetik zazpigarrena. Datu horrek balio handia du, lehen hamar enpresen artean, Lagun Aro Aseguru-etxearekin batera, Aplee, Nespresso, Coca Cola, Mac Donalds, Vueling, Starbucks, Mango, Audi eta Bankinter daudelako. Kategoria bakoitzeko irabazleak Best Customer Experience Awards-en kalitate-zigilua erabili ahal izango du bere komunikazio guztietan.