Konfiantza-indizeak 49,8ko balioa adierazi du. Hau da, aurreko hiruhilekokoa baino handiagoa (45,9koa izan baitzen). Beraz, enpresek ikuspegi baikorragoa dute ekonomiaren bilakaerari buruz, 2024ko bigarren hiruhilekoari begira. Gainera, indizearen balioa 50etik hurbil egoteak jardueraren nolabaiteko egonkortasuna adierazten du. Balioa beste eremu geografiko interesgarri batzuetan lortutakoaren antzekoa da. Espainian, esaterako, 53,9ko datua lortu zen otsailean, eta eurogunean, 49,2koa, hil berean.
