Prentsa oharrak
EAEko familiek konfiantza berreskuratu gabe jarraitzen dute
2021eko lehen hiruhilekoan EAEko familien konfiantza (-32 puntu) balio oso negatiboetan mantentzen da: azken sei urteetako emaitza okerrenak izan dituzten lau hiruhileko izan dira jarraian
Herritar gehienak immunizatzeak eta kontrol epidemiologikoak, jarduera ekonomikoa nahiz enplegua suspertzearekin batera, izango dira familien konfiantza hobetzea ekarriko duten faktoreak
Martxoak 22.–2021eko lehen hiruhilekoa pandemiaren hirugarren olatuak eta txertaketa-kanpainak markatu du. Gainera, 2020an erregistratutako dinamismo ekonomikoaren galera berretsi du (-% 9,5, EAEko BPG); horren susperraldia 2021eko bigarren seihilekora atzeratu da.
Azken batean, EAEko familien konfiantza hobetzeko egoera txarra. Izan ere, konfiantza (Kontsumitzailearen Konfiantza Indizea, -32) aurreko hiru hiruhilekoetan bezain ezkorra da (-24, -30 eta -33).
Zein iritzi dute EAEko familiek datozen hamabi urteetan egongo den bilakaera sozioekonomiko orokorraren inguruan?
- EAEko familiak (-32), Estatukoak (-24), EB-27 (-16), Alemania (-13) eta Frantzia (-15) ezkorrak dira oraindik, aldiz, Danimarkan (+3) edo Herbehereetan (-8) jarrera baikorragoak dituzte.
Nola eraiki daiteke EAEko familien konfiantza eta haren bilakaera?
- Inguruneko egoeraren balorazioa ezkorra da: ekonomia orokorraren (-48) eta enpleguaren (-56) gaineko igurikimenak hondoa jota daude eta ez dira hobetzen.
- Familiako ekonomiari eta aurrezkiari dagozkion igurikimenak ez dira ingurunekoarenak bezain negatiboak (-16 eta -6), eta gainera, pandemia hasi zenetik ia ez dira okertu.
- Baina adierazle batzuek susperraldiaren hasiera iradokiko lukete: Gizarte Segurantzako afiliazioa eta erregistratutako langabezia 951.778 eta 129.028 pertsonatara igo da (otsaila). Zifra horiek urtarrilekoak baino hobeak dira (+894 afiliazioan eta -1.207 langabezian), baina oraindik ere duela urtebete baino okerragoak (-21.376 afiliazioan eta +11.787 langabezian).
Nola eragiten du konfiantza-galerak familiaren gastuan eta inbertsioan?
- Familiek inflazio-gorakada txikia izateko egoera aurreikusten dute (-28) eta erosketa-unearen balorazio negatiboa mantentzen dute (-13).
- Erosketa handiak egiteko igurikimena, ordea, pixka bat hobetu da, oraindik negatiboa den arren (-9), eta etxebizitza edo autoa erosteko asmoak oso txikia izaten jarraitzen du, pandemian zehar izandakoaren antzekoa.
- Familietako kontsumoa eta inbertsioa “zurrunduta” daude: etxebizitzen eta ibilgailuen salmenta % 11 eta % 24 jaitsi zen 2020an, hurrenez hurren. 2021eko urtarrilaren eta otsailaren artean, ibilgailuen salmentak dagoeneko % 37 jaitsi dira.
Laburbilduz, 2021eko lehen hiruhilekoan, EAEko familiak ezkorrak dira, pandemiako hiruhilekoetan ikusi dugun joera mantenduta: ekonomia orokorraren eta enpleguaren galera barneratu dute, baina langabezia-galera pixka bat gelditu izanari, pandemiaren intzidentzia jaitsi izanari edo txertaketa zabaldu izanari lotutako albisteek ezin izan dute konfiantza berreskuratu.
Familiek kontsumorako eta inbertsiorako erabakiak eten eta/edo atzeratu egin dituzte, eta nolabait konprometituta gera daitezke jardueraren eta enpleguaren susperraldirik (azkarra) egon ezean. Hala, aurreikuspenen araberako eta baldintzatutako aurrezkiaren alde egin dute (edo ez dago gasturako aukerarik, batez ere aisialdian). Azken batean, amaierarik ez duela dirudien eta oraindik ere eskualde artean eta nazioartean mugikortasun-muga garrantzitsuak mantentzea (epe laburrean) ekarriko duen osasun-krisiaren aurrean etsipena nagusitu da.