MOODY’S-EK LABORAL KUTXAREN KALIFIKAZIOARI EUTSI DIO
Moody’s kalifikazio-agentziak Laboral Kutxaren kalifikazioa berrikusi du, eta horren epe luzerako ratingari (Ba1) eutsi egin dio, baita finantza sendotasunaren ratingari (D+) ere, nahiz eta azken hori beherako berrikuspenean jarri duen. Rating horien arabera, Entitatea kalifikaziorik oneneko 7 finantza-entitateen artean dago.
Moody’s-ek ratinga beheratzeko aurreikuspena justifikatzeko, Espainiako ekonomiaren egoera makala eman du arrazoitzat, etorkizunean horrek entitateko aktiboen kalitateari eragin baitiezaioke, higiezinen enpresei nahiz beste ekonomia-sektore batzuetako enpresei loturiko aktiboen kalitateari.
Azaltzen duenez, 2012an LABORAL Kutxako mailegu problematikoek gora egin zuten, eta 2013ko martxoa ixtean berankortasuna % 7,8koa zen. Halere, ehuneko hori sektoreko batez bestekoa baino askoz txikiagoa da, izan ere, azken datuen arabera, hori % 11,31koa da.
Halere, LABORAL Kutxaren Kapital Nagusiaren egoera oso ona da. 2013ko martxoan % 10,83koa zen. Horri likidezia- eta efizientzia-ratio onak gehituz gero, LABORAL Kutxa baldintza ekonomiko bereziki latzen ondoriozko estres-agertokiei aurre egiteko egoera onean dagoela egiazta daiteke.
Hona hemen Entitateen sailkapena:
| MOODY’S KALIFIKAZIOA 13/07/19 | ||
| LT Ratinga | BFSR | |
| Banesto | Baa2 | WR |
| Santander | Baa2 | C- |
| BBVA | Baa3 | D+ |
| CAM | Baa3 | WR |
| Caixabank | Baa3 | D+ |
| Caja Rural de Navarra | Baa3 | D+ |
| Laboral Kutxa | Ba1 | D+ |
| Banco Cooperativo Espanol | Ba1 | D+ |
| Bankinter | Ba1 | D+ |
| Kutxabank | Ba1 | D |
| Banco Sabadell | Ba1 | D |
| Bankoa | Ba1 | D- |
| Caja Rural de Granada | Ba2 | D |
| Ibercaja Banco | Ba2 | D- |
| Banco Popular Espanol | Ba3 | E+ |
| Unicaja Banco | Ba3 | E+ |
| Banco De Valencia . | Ba3 | E |
| Banco Pastor | Ba3 | WR |
| Bankia | B1 | E+ |
| Liberbank | B1 | E+ |
| Caja Espana de Inversiones | B3 | WR |
| Banco CEISS | B3 | E |
| Catalunya Banc | B3 | E |