Prentsa oharrak
EUSKAL ENPRESEN KONFIANTZAK BEHERA EGIN DU
Aurreko hiruhilekoarekin alderatuta, Euskal Autonomia Erkidegoko enpresen konfiantzan beherakada sumatu da 2018ko hirugarren hiruhilekorako igurikimenen arabera
2018ko hirugarren hiruhilekorako konfiantza-indizearen balioa 56,6an kokatzen da. Horrek esan nahi du aurreko hiruhilekoko datuarekin alderatuta beherakada bat egon dela, orduko hartan 61,7ko balioa lortu baitzen. Interpretazioa hauxe da: enpresek ikuspegi ezkorragoa dute ekonomiaren bilakaerari buruz, 2018ko hirugarren hiruhilekoari begira. Dena den, indizearen balioa 50etik gora dagoenez, hedatze-eremuan gaude, beste eremu geografiko interesgarri batzuetan lortutako datuekin bat. Espainian, esaterako, 55,4ko datua lortu zen urtarrilean, eta eurogunean 54,1ekoa otsailean.